聲明
E位老師(今日上堂佢不斷問我野,我估佢已對號入座),我從來冇批評佢嘅教學水準、我亦都冇話佢搞到我地成績咁差,我都知成績差係我地溫習不足,同E位老師嘅教學水準絕無關係,我亦承認佢對我地班嘅付出。本篇講嘅係我對佢的印象+佢對學生的態度,請其支持者、擦鞋仔、報寸者不要對我作多餘的抹黑。我只係理性地表達我對E位老師的批評。試問一個老師連接受批評的器量也沒有,甚至有因此欺壓批評的學生的情況出現,那他/她的教師道德大抵已淪亡了。還有,切勿對號入座。
此致
E位老師,E位老師的支持者、狂飯、鞋油推銷員、擦鞋仔及想報我寸的人
--------------------------------------------------------------------------------------------------------------------------
E位老師教同級兩班同一科目;一班成績好好,一班成績差到喊,天淵之別。而我,正是成績差到喊嗰班嘅學生,對E位老師對我地班嘅時候,嗰副高傲、自大嘅性格直現。以下,就係我對佢嘅批評:
1.諷刺意味極濃,鬧人好似凌遲處死咁慢慢地、一步一步置你於死地
我地次次測驗都好差,但自問一次比一次努力,成果都係....,於是佢不停寸D學生生活點點點...今日先好笑。佢話學生嘅生活佢管唔倒....但佢又不停地寸我地,干預我地嘅生活。近日佢公然打擊某成績差的同學,鬧佢嘅內容亦與成績沒太大關係。E位同學作文好勁,才華橫溢。可以話係文學界嘅天之驕子,明日之星[真心]。但可惜因為佢喺佢嗰科成績差而去蹂躪佢嘅文筆、打擊佢嘅作家夢。我想問,E個係老師對學生應有的態度嗎?人地又冇乜網癮、冇乜野得罪佢,有必要踩到人咁盡咩?E位同學只係一位愛文學嘅學生,創作左咁多好文章。而佢一眼都冇望過就先入為主咁踩人。佢仲話自己讀文學,咁嘅文學修養真係.......
2.酷愛比較,以強比弱,階級觀念極重,精英主義者。
佢成日以成績好嗰班同我地比,一步一步打擊我地嘅自信心。係牙,我地係冇嗰班咁勁,如果佢咁睇重成績,用成績高與低去做自己心中的一把尺,去為學生評頭品足。如果佢喺咁鐘意嗰班、咁睇重成績,米好似其他勁嘅中學咁做「摘星工廠」囉,洗乜咁寸我地啫。等我地讀完個中六自生自滅算啦。E個又係老師對學生應有的態度嗎?另外,佢成日用自己去比,話ED野好淺,暗寸我地廢,大佬呀,你老師黎架,勁過學生、學識多過學生係理所當然架。如果我勁過佢、學識多過佢的話仲倫到佢教我?係我教佢啦下話。[請注意:只是如果,對擦鞋仔的溫馨提示]
3.愛大規模屠殺,不加思索,不作鼓勵。
人地勁班個個都level4/5,我地班平均只得level2-3,但係我地班冇Dlevel4/5嘅人咩?大有人在,試問勁班係咪人人作文都可以到level5☆?我地班正正有一個。但只可惜我地班太差,E位作文到level5☆嘅同學[PS:唔係啱啱嗰位文學界嘅天之驕子]亦都未能逃出被罵的魔掌。罵的都是關於佢嘅字跡、塗字等細小事,卻被無限大地指罵,另外,佢只係識罵,咁有冇教番同學點作番好呢,又好似冇....E個又係老師對學生應有的態度嗎?
4.訓練書呆子,成績大過天
今日佢問我地一日上左幾多個鐘網,我地平均都話2小時(雖然好似有人作少左),於是佢好大反應。我好唔同意佢嘅睇法,我認為2小時好合理。唔通要一日都要朝八晚十一,廢寢忘餐咁溫書?我真係接受唔倒E種非人一般的生活,E種讀書方法啱哂訓練書呆子,想讀死一世書慢慢。況且,ED人出到黎好似魯迅筆下嘅孔乙己,成為一位滿口之乎者也,思想迂腐的人。此外,佢E種想法亦顯出佢為求速成地推高學生成績嘅心理。
總結:
一位老師,應多作鼓勵,你嚴格我唔緊要,而係為人師表應以學生自比嗎?咁同我去同個阿伯鬥跑,挑佢機有乜分別?請,唔好藉蹂躪學生為樂,如果佢話咁叫對學生好。咁我可以同佢講:你用錯左方法。一科成績差,要去將E個學生嘅生活、興趣等等一併指摘嗎?你話佢地嘅生活、興趣太過分沉迷,你大可以去勸佢地,而唔係去踩到人一文不值,好嗎?其實「尊重」這個詞係雙向的,你要人尊重你的時候,有冇思考自己究竟有冇尊重學生。佢要知道,只有單方面的「尊重」叫做「獨裁」。最後,請佢真係好好地思考一個問題:以上都是你對學生應有的態度嗎?
0 意見 :
發佈留言