2015年8月10日,筆者以16分成績,「負碌」地實現入讀香港公開大學政政(政治及公共行政)系嘅願望。
2015年8月24日,我去了一連三日嘅政政ODAY+OCAMP
這三日一夜,我成為「大白沙」的一員
筆者係一個慢熱嘅人,好難去適應一個新嘅環境。雖然OCAMP俾咗一個機會去認識同接觸,但我未有盡興咁玩,最後更大包尾,我真係好對唔住大家。
也許好似組spy阿華師兄講:「我地要走出我地自己嘅comfort zone。」
凌晨三時玩「一生人一次」都係教曉我跳出框框(雖然我因為眼訓而特登做錯補補眠)
係,我唔再係中學生,作為大學生,係時候要思考自己做緊乜,人生係何物。
OCAMP就係第一道門去引導我去諗呢樣嘢。
以前覺得玩呢D Camp Game好無聊,但今次同一班由陌生變到有好多偈傾嘅同伴一齊玩,令我對自己、對交友、對前途都有好大嘅反思。
City Hunt:令我地更有默契,以前會覺得問D低能問題(問人知唔知OU HALL喺邊......)、喺街唱歌做怪動作好Kai好柒。而家終於明白身邊好多嘢係快樂嘅根源。
.
第一印象:起碼俾到自己知 Who am I,雖然結論都係好摺嘅人。
Disco Night&水戰:俾到自己放鬆嘅時刻,至少未試過咁放。
也許,我一步步走出緊自己嘅Comfort Zone,只係我行得比人慢。
組員皮蛋講得好:「KW平時少嘢講,但係撻著咗副偈就好好傾。」
希望呢四年,可以俾我搵番最真實嘅自己,突破自己嘅Comfort Zone。
政政ocamp學倒嘅嘢,並非能用單單$288衡量。我肯定呢個ocamp唔單止係全場最平,仲係全場最有啓發嘅ocamp
每次我都話自己不善表達,我真係用手寫會順D,學Joey爸話齋:靈感一到真係無法擋,攰到就死都想打埋呢篇千字文先。
唔知組員們睇咗我喺龜背紙嘅字未?
呢組組員,將會係最影響我呢四年嘅人。我地一齊讀同系,之後都會一齊合作、一齊經歷好多大學生活。雖然大家都比較慢熱,但我相信我地又好快變得好熟。
煽情嘅嘢唔多寫,我只係想喺最後想再一次感謝:
成日幫我地頂鑊同請食嘢嘅 組爸Joey
好Warm好照顧我地嘅 組媽Cindy
好積極又好啓發我地諗嘢嘅 組spy阿華師兄
同樣鐘意Kpop嘅 組OC盈宇
好搞笑好識搞氣氛嘅 皮蛋
一齊玩PAD又一鳴驚人嘅 阿浚
同我一樣外冷內熱嘅 Daniel
同我傾好多偈嘅 Jessica
好高嘅V.I.P. Anna
好熱血組新Soc嘅 馬尾
扮Rapper好型嘅 Candy
0 意見 :
發佈留言