是日為換取贖罪券日,全港有十六個換領點。歡迎受「民主催涙彈」感應嘅港豬兑換。
坦白講一個咁多bug嘅所謂「公投」,仲要長達九日,實在有損公信力。喺我眼中只係一眾飯民圍內打飛機嘅工具。我只會形容為一個星期日賣旗行動,叫做投咗票感覺上支持民主。同俾錢買旗幫人嘅原理無異。美其名亦只係一個大型民調。為飯民做一個所謂「民意基礎」。
我唔撐佔中,但我唔反對佢,我唔係建制派。我亦唔係想話佢破壞經濟、破壞法治。而係想「看他造出個甚麼世界」。一嚟,佔中運動已過發起嘅最適當時機。一年半前,佔中發起行動成功凝聚一眾泛民政黨支持。當時正正係發起嘅好時機。我明白佔中嘅神髓在於達致「公民覺醒」。但用一個咁聲勢浩大嘅行動嚟做教育工作,看來在教育港人方面略有進展。但無奈已失去「佔中」行動上嘅焦點。被一眾共匪抽盡水仍未有行動,實在浪費一個爭取本港民主運動的好時機。
第二,佔中發起人,以致參與政黨乃大部分屬溫和泛民。加上有「毒果日報」每日集中式洗腦,成功吸引港人參與。但大家有冇諗過佢地會唔會被利用,到時呢D民主派大佬又咪龜縮。因為犯法會冇議員撈。而家佢地參與佔中,無非為咗選票。當達到政治目的、淘盡利益、光環褪色之時。就自然放手。
最後,佔中同飯民近日落力宣揚公投,成功做出「高」投票率。但港豬依然係港豬,俾「毒果日報」洗晒腦。認為參與投票等於爭取民主,當係一張「民主贖罪券」同埋可以向人耀武揚威,多一個哂命工具。真係多謝晒一眾港豬,幫手推高投票率,幫飯民砌光環。
我嘅普選立場好簡單,「普選必先反共」,公民提名等方法我明白係好好。但而家一眾天真嘅飯民要向呢個獨裁嘅殺人政權追求民主普選。實為對牛彈琴之舉,但飯民仍樂此不疲地去做D無無謂謂嘅野。甘願喺呢個獨裁政權設立嘅框框去玩。香港要真普選,必須重寫基本法,重新立約,打破框框先可以達致真普選。
咦，咁你就唔好寫文啦，我哋一齊買軍火打去北京，好無？
回覆刪除