今天MBC《Music Core》Girl's Day首《Darling》終於囉倒第一,筆者固然感到歡喜,但諗深一層,好似又唔算贏得光采。可能係因為冇咗f(x)。f(x)如果繼續宣傳,相信冇贏得咁易。
近日f(x)宣佈因Suili因身心俱疲而停工,f(x)時隔一年強勢回歸嘅宣傳活動又宣告終止。筆者對此亦感惋惜。如果有讀者有留意近日韓星動向,對Suili應該唔會陌生。件事係點就由讀者再去研究。筆者只係想講講我對韓星嘅感覺,並唔係想去擁護佢地。
筆者相信世上冇完美,任何事都有兩面,有讚亦有彈。尤其是明星,當知名度愈高,fans同anti都只會愈多。呢個係不爭嘅事實。我唔係話想叫大家去捧韓星場,畢竟每人都有自己鐘意嘅音樂、鐘意嘅歌手。我無權插手。但筆者察覺近年韓流發展蓬勃,自己對韓星除咗感到喜愛之餘,更帶多一份悲涼。以目前韓流趨勢,我只可以形容韓星現正處於腹背受敵之境。
先講講冇咁敏感嘅「腹」
一個個韓星由踏入公司做練習生開始,就係佢地被囚生活嘅開端。個個韓星雖然都係以入行為夢,亦的確能的達成佢地嘅心願,但佢地入咗行之後,不知不覺成為公司嘅競爭工具,以及整個K-pop巿場嘅商品。對佢地嚟講,可能唱歌、演出同提升知名度先係目標。但公司好明顯係睇點樣壓低競爭對手。可能韓星幕前光彩,但幕後嘅辛酸亦係一眾fans所忽略。日日要俾公司控制,形象管理搞到冇哂私生活,一有宣傳又要冇得休息。韓星成日被揭發幕後辛酸及醜態,筆者覺得好大程度係公司嘅錯。例如女團成員要顧及形象而節食,筆者相信呢D並不是女團成員所希望嘅局面。當韓星喺咁嘅環境發展,俾公司迫到咁盡,亦自然身心皆受創啦!
輪到比較敏感嘅「背」
公司之間明刀明槍競爭令韓星正面受創不突止,背後fans同anti亦係佢地嘅壓力之一。fans想佢地嘅偶像愈來愈好,自然對韓星形成一道無形的壓力,以求滿足fans,唔想令佢地失望。而anti方面,以筆者所見就只有兩種:其一,「反韓」,即係anti哂成個K-pop,乃至整個韓國文化(如台灣存在已久嘅「反韓」勢力,因韓國政府不承認台灣國家主權所致)。其二,係針對某團/歌手嘅anti,透過anti D較具知名度/相近風格嘅團/歌手去突出自己心愛嘅團/歌手之強勁。anti最勁就係揭人瘡疤同埋搞大緋問,與狗仔隊無異,專門搜尋黑材料,例如成日話D歌手整容好假,但一出真樣又話嚇死人,如此質素之anti我亦不予置評了。呢類型anti亦同為韓星之致命傷,佢地表面上可以唔理,但心境上唔多唔少都有負面影響。
如斯腹背受敵的韓星,飽受煎熬又何不感悲涼呢?
以今次Suili事件為例,一方面要顧及回歸活動而疲於奔命,更出現健康問題。另一方面又要被一連串緋聞纏身,更被anti借題發揮。在此惡劣情況下,惟有停工調息身心。
可能我對韓國娛樂圈了解輕淺,可能有不少謬論,歡迎各位讀者指出提供意見。最後,衷心祝願Suili康復,回復強勢f(x)!!!!。
0 意見 :
發佈留言