係呀!喺一眾韓國娛樂公司眼中,偶像明星就如貨品,係娛樂公司用嚟搵錢嘅工具。點D明星跑行程跑到踢哂腳,心急、求快而家咪出事囉。
最慘就係得21歲就因為呢場車禍而無辜喪生。雖然表面上的確係個司機唔啱,又或者係天雨路滑。但又係咪代表娛樂公司冇責任?是次車禍所造成Ladies' code團員1死2重傷,亦相信Ladies' code日後嘅發展亦因此而步入困境。究竟娛樂公司會點樣處理?求其賠個錢道個歉就算數?
以功利嘅韓國娛樂公司的角度,Ladies' code之後一定幫唔倒公司搵錢,佢地一定再捧新團取代Ladies' code嘅地位。呢排再用件事去吸引人注目,公司唔再捧Ladies' code,過後Ladies' code就會於韓國娛樂圈沒落。造成呢個無情的現實,原因只得一個字:錢。而呢件事最大嘅受害者,就係Ladies' code。
可能我呢篇短文對Ladies' code及其韓國娛樂公司作嘅推測會引起各位不滿,但無奈現實就真係咁功利,搵到錢,公司自然重用你,搵唔到錢,公司自然收你皮。我都話咗喺一眾韓國娛樂公司眼中,偶像明星就如貨品。那有尊嚴可言呢?
我覺得呢個時候需要嘅係fans嘅力量,除咗短短一句「R.I.P」之外,更需要是支持與鼓勵。因為呢D一定會成為Ladies' code日後重新出發的動力。
韓國娛樂公司,幾時識俾番一絲尊嚴俾佢地嘅藝人呢?
希望讀者原諒我藉此事借題發揮,本人亦對文中任何對Ladies' code不尊重或冒犯的言詞作出衷心的致歉。在此,我再祝願恩妃安息 及 梨世、昭政 早日康復
月明心晞
2014年9月3日 晚
0 意見 :
發佈留言