前日mama音樂頒奬體在港舉行,但係比我嘅感覺係一種對香港樂壇的一種諷刺。
利申:RUNNING MAN,LEESSANG&BIGBANG的粉
本文冇話香港歌手唱歌難聽,而係話兩地嘅樂壇生態。
本文冇話香港歌手唱歌難聽,而係話兩地嘅樂壇生態。
人地韓國做歌手要做練習生,10幾歲就做起。日日朝早番學番工,夜晚練習歌舞。目的都係想有出道嘅一日。好似G-DRAGON咁,做左7年練習生先有得出道。對比香港,近年D音樂人上位快如閃電,靠關係。就算你做到歌手,你可唔可以打出國際呢?加上香港D唱片公司、經理人公司個Q個都要評頭品足,你即使有甜美聲線,但其貌不揚。你唔洗喺香港樂壇生存,ED人才就走去做網絡歌手。究竟香港仲有幾多個陳奕迅郭富城呢?好啦,即使你想打出國際,都唔係咁容易。好似某的士佬咁,自封「亞洲舞王」,佢當郭富城周杰倫死架?加埋黃曉明句而我不知道之後,即刻收左皮。ED就係欲打出國際嘅失敗例子。仲有,人地D MV 吓吓都用成億圜拍,似香港D低成本MV?得幾條友彈下結他就算?
香港樂壇已死講得冇錯,大部分年青人都轉聽網絡歌手同日、韓、台歌手。香港人如果仲停留緊話韓國歌手整容同廢嘅電子音樂。咁你就反思一吓點解香港樂壇點解仲係一蹶不振,慘得過人地肯比錢人整容,D所謂廢嘅電子音樂咁受歡迎。
按:小弟睇睇吓MAMA頒奬禮嗰陣,見到無啦啦出現鄭俊弘。跟住我就聽到有D人話:「哇!!鄭俊弘打出國際名堂喇」我不禁報以冷笑。喺一個咁盛大嘅頒奬禮入面,佢算乜水?試下去問G-DRAGON鄭俊弘乜水,人地鬼識咩!鄭俊弘嘅出現,只係俾面TVB炸傻仔。
0 意見 :
發佈留言