課室政治(二)

今日首先講吓最唔敏感嘅中立者同特殊者
1)中立者
呢班人可以講係全班最輕鬆嘅人。佢地往往有自己嘅群體,當課室入面發生乜野事佢地都抱住食花生嘅心態。又或者會聽到人地叫佢幫手嘅時候就全力協助,沒有立場、沒有鬥爭。可以講係全班最純真嘅人,即使佢地會同班上嘅人溝通,但都只流於表面嘅溝通(例如講功課,講玩......),唔會介入人事之間嘅鬥爭。亦都因為班房有呢D人,所以大小家庭之間衝突可以得到適當嘅調停。佢地可以毫無顧忌地做和事佬或者食花生。亦都係呢班人嘅存在,令呢個不和諧班房帶來一丁點嘅和諧氣氛。
2)特殊者
呢班人係班房最少、最危險同最悲慘嘅人。佢地看似中立者,但有好大分別。佢地唔會加入大小家庭。但佢地有介入人事之間嘅鬥爭。兩面都有人熟絡,同大家庭一齊嘅時候就聽哂大家庭嘅攻擊說話,到小家庭亦然。完全係間諜。佢地掌握哂兩面嘅戰況。令兩面嘅人都對呢D人有所顧忌,唔想俾佢地加入,而中立者與世無爭的處境亦拒絕接納佢地,免受牽連。所以呢班人只會愈來愈被孤立。佢地無可能中立,因為佢地已經入左呢個鬥爭嘅黑洞。當大小家庭之間有衝突嘅時候,呢班人嘅角色變得非常尷尬,兩面不討好。佢地又唔想俾立場但因為被困黑洞而被迫表態。因此,呢班人喺班房感情最脆弱嘅人。亦係最危險同最悲慘嘅人。
3)中立者與特殊者之分別
中立者:冇顧慮,自由身,絕不表態,可以食花生同調停
特殊者:不討好,間諜身,被迫表態,令自己身份很尷尬

Share on Google Plus

About Unknown

作者介紹請點上方工具欄「網誌資訊」下「作者」一項
    Blogger Comment
    Facebook Comment

0 意見 :

發佈留言