話說我同老豆好鐘意食飯嗰陣齊齊評吓時政,無論立場對錯,無所不談。
但老媽卻對ED野感到煩厭。
成日掛在口邊的一句「關我_事」成為了我最討厭的句子
劉進圖比人斬,又話比人斬嗰個唔係自己,「關我_事」
何俊仁立會睇寫真,又話男人嘅野....,「關我_事」
李慧玲被炒,又話自己唔聽電台,「關我_事」
普教中,又話自己唔洗讀書,「關我_事」
----------------------------------------------------------------------------
究竟香港仲有幾多個好似老媽一樣嘅人?
你可以唔take side,但你唔可以唔諗吓ED野對自己有乜影響
係
可能有D人話係自己諗多左,ED事跟本冇咁大鑊
劉進圖比人斬你可能話扯唔到新聞自由咁遠
ok,fine.
但係假若將來有一日你無喇喇比人斬,身邊人人無視你
人們向你報以一句「關我_事」
你會有乜感覺?
李慧玲被炒你可能話扯唔到言論自由咁遠
ok,fine.
又再假若有一日你比人無喇喇比人炒,同人大吐苦水時
人們向你報以一句「關我_事」
你又會有乜感覺?
----------------------------------------------------------------------------
而家個社會笠笠亂,共匪一步一步剝削港人自由
也許香港人一切都以金錢掛帥,為了生活、金錢、地位沖昏了頭腦
面對政治,講句「我討厭政治」,大哂
面對時事,講句「都唔關我事」,大哂
面對社會,講句「有飯食就得」,大哂
如果人人都只為眼前短暫嘅利益而放棄長遠嘅權益
咁只會踩中共匪嘅圈套
長此下去
到到共匪收番香港,甚麼都完了的時候
到時先至發現身邊乜野自由平等人權都冇哂野時候。
到時問神問天
佢地都只會答你
「關我_事」
----------------------------------------------------------------------------
玩PAD食左蛋龍之後覺醒左嘅寵即時變得有用
都可以增強自己攻擊力或者抵禦敵人嘅攻擊
未覺醒的老媽
未覺醒的港人
幾時揾到你要嘅「蛋龍」?
就因為太多這些"港豬",遲下俾中共食咗都唔知
回覆刪除