公民黨

 (利申:即使我係黃毓民fans,但係毛孟靜真係好值得欣賞,我真係好想佢退出公民黨,入新民主同盟,以免被湯家驊累死)
公民黨喺我眼中係一個好散嘅政黨
有同民主黨一齊投共嘅湯家驊
又有同新民主同盟呢D進步民主派一齊捍衛本土嘅毛孟靜
政黨嘅理念即使明顯,但係入面D人就好模糊
以上海之行為例
毛孟靜就表明唔去,陳家洛就冇被人推佢上去,梁家傑就中途取消上去;而上左去嘅「兩郭」就集中火力同泛民協商政改,而湯家驊就跟建制派周圍去。
所以下次立法會選舉,公民黨真係好難投.....咁模糊鬆散嘅政黨叫人點投?⋯⋯

近年香港人整體嘅政治意識提高咗,再用明星效應做選舉就未必好得。以新界西為例,如果唔係上次有余若薇排名單第二,用知名度捧郭家麒上去。郭家麒又點會咁易贏,仲做埋票王。當然,冇呢個策略又點會KO新界西成個民主黨(thx)。但係香港人而家睇嘅係行動&地區工作。所以郭家麒真係要好好做好地區,建立知名度先守得穩。另外,公民黨最大嘅危機就係「湯家驊」呢個炸彈,一旦佢同民主黨同流合污,公民黨就會被重挫,故奉勸公民黨中人對湯家驊不能不防。

環觀整個新界西,可以令公民黨作借鏡嘅議員只有兩位,一:田北辰;二:梁耀忠。梁耀忠要學恐怕太難,因為佢有今時今日嘅成就全憑佢呢30年嘅努力,成功將葵芳、葵盛及葵涌邨三條新界西人口最多嘅屋邨塑造到無孔不入,加上佢冇乜水可以俾人抽,建制派打到死死吓到打佢唔死。但係可以學吓田北辰,佢個個禮拜都落區,對地區親力親為,仲勁過民建聯,即使佢嘅政治立場同我唔同,但至少巿民個個禮拜都都見到佢,肯放低階級同街坊傾計。淨係打溫情牌已經勝人一籌。所以應該好好學吓佢地!!!

Share on Google Plus

About Unknown

作者介紹請點上方工具欄「網誌資訊」下「作者」一項